( وكــان فـــــــلاح ) – الشاعر/ معوض حلمي ( الفلاح الفصيح ) .. مصر

وكان فلاح

ودار سواح

كانه أمير

ف أرض براح بيتمختر حدا الترعه

وشاف قمرات بيتمشوا بنات فـرعه

فجاب أرغول وقام غنى مع العصافير

وكان فلاح

ودار سواح

كانه أمير

وسمعوه البنات حنوا ورجعوا قوام

يغنوا معاه حدا الساقيه اللي دايره هيام

وشوفته هناك بيعبي مناه أمان للغير

وكان فلاح

ودار سواح

كانه أمير

وشال فاسه وراح سارح ف عصريه

وسرب طيور بيمشي وراه على النيه

وبان فرحان بريش وجناح وطاير طير

وكان فلاح

ودار سواح

كانه أمير

ويرجع داره ع الكارو ويجي لجاي

يأيل حبه يتغدي ويشرب شاي

وجنبه الولعه ع المـنقد وقله وزير

وكان فلاح

ودار سواح

كانه أمير

يصلي الفجر ف الجامع يقول ياكريم

وصوت الزرع ف ودانه دعا وترنيم

ويرمي صباحه ع الباميه وع الجرجير

وكان فلاح

ودار سواح

كانه أمير

وفاتح بابه لصـحابه وللأحـباب

وعبى جرابه م الحكمه لزمان كداب

مادام ع الأصل متربي وفعل الخير

وكان فلاح

ودار سواح

كانه أمير

……………………………..

اللوحة للفنان المصري/ أندرو عادل