ما نيش يوسف
ولا زليخة تكون انتى
لكنه الحب ف دروبه
كتير حكايات
انا اللى شربت من حبك
وما سكرتش
وما عرفتش
اتوه مرات
وياما القلب وشوشنى
وبتحوشنى
حدود الغربة عن همسك
وبين لمسك
وبين تنهيده من صدرك
ف عز الشوق
افوق منك ولا بيكى
عنيكى تقولى ما تخافشى
ما تحسبشى
سنين مرّت ف مشوارنا
واعمارنا كستها آهات
يبات الحلم ف جفونى
وف عيونى آيات الصبر
وصوت وردة اللى بيغنى
لحد الفجر
وقول الشعر فى شفايفى
وف عيونى
وخصلة نازلة من شعرى
وحتى السحر
ما سبـتـش
منى شئ ممكن
اقول عدى عليك أو فات
لا كنت ف يوم كما يوسف
ولا زليخة انا ف حبك
لكنه الحب ف دروبه
كتير حكايات
………………….
Arabic 
English