السما فارد لى سبحة وقتها
قد ما شافت عيونى أضمها
عليها أقفل رحاب قلبى
وأحس بانى طاير يمها.
السما كأنها وخدانى ليها زاير
أركع وأرضى زرعها مش باير
صاعد سلالم قلبى باصص فوق
ساجد كنور الشمس طالع داير.
السما تدخل شغاف الفلب ما تجرحش
أنا اللى نفسى أكون فى ضل العرش
يطلع جنى روحى يمد إيده لفوق
وانده على الرضوان أصلى واخش.
السما فى كل الحالات هيه اللى فوق
صاعد جريد النخل ونفسى منه أدوق
والتمر قدامى وإيدى مش طايله
تلحق عيونى طعم الشوف فاحس وأروق
السما تعرف ضعيف القلب من قلبه
ومن مية عينيه تقرا خبر حبه
موصول وواصل ما انقطع أبدا
ولا جف نهر الحب من خده.
السما تشق قلبى تعرف اللى فيه
أصعب عليها كتير تزيدنى عليه
ما قدرشى اقفل بكفى شمسها
ولا أقدر أطلب منها تداويه.
…………………………….
Arabic 
English