( الصبر نفذ ) – الشاعر/ محمد اسماعيل .. مصر

كُل لقمة فيها دين

كل فرحة ناقصها شين

واللي ضحكته كانت بتبرق

فيه وجع سنين وسنين

شيل وسيبها عالسكين

دا الزمن حاطط عجين

ع الوش بس جوّه طين

كُل لقمة فيها دين

الناس عايشة تحت السقف

وتحته خبايا مش بتشف

كل واحد فيها بيضحك

لكن في قلبه ألف حتف

منين ما تمشي في أي درب

تلاقى الصح اصبح كذب

والكدب علامه جوا القلب

وكأنها بتتزين بالترف

والوجع ساكن في الطرف

بنين قصورهم على الخيال

وأيامهم بقت محال

كل واحد شايل هموم

ع الكتف زي الجبال

كل خطوة بقت عويصة

لانهم نسيوا الحقيقه

لو قال لهم حالكم ايه

هيقولو الصبر نفذ

والحال محال

……………………….