(جمرالكلام) – الشاعر/ حمود النومسي .. السعودية

جمرالكلام اشد من جمرة النار

لاجا الكلام من الرفيق الموالي

شلها بصدرك لاتدور لها ثار

وضحك بوجهه لوتطول الليالي

الصدور خلق الله معاقل للاسرار

لاتبيح سرك ثم بكره يقالي

ولاتزعل الطيب على شان ثرثار

خله يسولف ياكريم اسبالي

لولاالمجنن مابنو مركز اشهار

ولاكل عدٍ ماه جمٍ زلالي

ترى الزمن دورار وايامك اقدار

ماينفع الانسان روح التعالي

غصن الموده لاتحشه على الجار

اعرف حقوق الجار بول وتالي

والمعرفه تبقى مثل شمس الانهار

والطيب مثل الدوح ضلٍ ضلالي

والعمر ماينساه قصاف الاعمار

يجيك غتره وانت يالعبد سالي

ترى الحياه ارق من نبت الازهار

ولاتضيق ماكلٍ من الهم خالي

وقنع وسامح من يباديك بعذار

العذر راس المال بين الرجالي

………………………