يا غـند قلبي ممتلي شـوق وهيام
وتشره علي النفس واشـره عليها
عن ماتكن الروح من عـدة اعوام
تحـرم علـي ياغـنـد لمـسة يـديها
سر التضـارب وتـلاعب بـالارقـام
منهي واليـها شـلون منهي واليها
من عارضوني بالحكي عنها الاقزام
صديـت وانا القلب يـبـكي يبـيها
سر الدفاتر موجـع ٍ روس الاقلام
عـن ماتـكن صـدورها وتحـتـويها
كل ماحـط اهـداف عمري بالايام
يطري علـيه مـن سـوالـف ذويـها
بعد الـمـحـبه مـثـل سالم وهـمام
الـحـرب صارت بـيـنا نـحـتـريـها
والمشكله مافـيـه مخـرج للافلام
وكل يوم حلقـة عمـر ربي يهديها
روحي لها ياغـند من باب الالـمام
وقـولي لـها ياغنـد انـي افـتديـها
بالروح قبل المال والعـمـر مـادام
وخـوذي نـصـايح واحدٍ يهـتويها
لوالعمر محسوب من خمسه رقام
لا بـيـع كل الـنـاس بـس اشتريها
هذا وحبه فـاق عـن حـبي الـشام
ولا كنها الا الـشـام والـشـام فيـها
…………………………….
Arabic 
English