( لكل جارح وقاسي ) – الشاعرة/ العنود عبدالله الزير .. السعودية

أي والله انـي كـنـت أبـي الـمـوت لـكـن الـموت مابغاني

ماهـو اعـتراض عالقدر لـكن شوقي لربي وأبوي أذاني

الله يـرحـم حالي بكـل الأحوال ويصبرني على مابـلاني

من صغـري وأنا حزينة تعبت روحي من كثر ماتـعاني

الدنـيـا أتـعبتني وعزفت الأوتار على قلبي على أحزاني

ماعـاد يـعـنـي لـي فـراق أحـد بـعـد فـراق مـن ربـانــي

فـيـني حـنـيـن وشـوق وألـم وصـمـت يـهـز لي كـيـانـي

الألم والحزن والضيق تغـلل بـعـمـق روحـي ووجـدانـي

أسايـر الأيام بغـصة لا الزمان زماني ولا المكان مكاني

الـكآبـة دمـرتـني وأهـلكـتنـي وتآكـل شعوري وأشجـاني

أنا تـغـيـرت جـداً،مـاعـادنـي أنـا ،ياربـي أيــش جـانـي؟

الأسـى والـشـقـا تـعـمَّــق بـي كـثيـر وتـلذذ بـي وكـلاني

أحـمـد الله مـن قـلـبـي على كـل مـوقـفٍ صعـب قـوانـي

لـكـل مـن أذانـي وجـرحـني ويـظن أنه دمَّرني وطواني

أبـطـلع من حـياتك للأبـد وراح تفـقدني وماراح تـنساني

أذية الطيب جريمة وتعدّ فعل شـيطـاني وماهـو انـساني

أخس البشر من يأذيك ويـتمادى ويـقـول ماني غـلـطانِ

لكل ظالم وساطي مستحيل اني أسامحك انسى غفراني

نـصـيحـتني لكل جارح وقاسي ورِدي ووقـح وشراني

مايجـرح الناس ويأذيهـم الا كل ناقـصٍ عقل وغيراني

ولكل من يظن انه بجرحه لي غيرني للأسوأ وقسَّـانـي

انـسـوا أنا مـا أرد الـشر بالـشر والقسوة بالـقسوة ماني

هـذي نـصيـحة لكل ظالمٍ قاسيٍ موذيٍ وجارحٍ وجاني

تـب لله قـبـل فـوات الـفـوت حـتى لاتـمـوت حـسراني

من يـتسـلى بـجـرح الـنـاس هـو أكـبر خـاسـر وجاني

لاتـسـتـغـرب تغير أسلوبي معك ولرجعـتي لاترجاني

مـشاعر الناس ماهي لـعـب أبداً وماتـوزَّع بـالـمـجاني

الله مـايرضى على عـباده الـظـلم وذكـرهـا بـالـقــرانِ

بـتـجـور علـيك الدنيا لأنك كنت لأغـلاطك عـمـيانـي

لاتسيء الظن بالناس وترتجي الراحة حقٍ وتـبيـانـي

من يـجرح الناس وماهـمه الا نـفسه هـو أكـبر أناني

مايـفـرح بـقـهـر الـخـلايـق الا كـل حـاسـدٍ وغـبطانِ

يابـني ادم تـذكر ان الله ميـزك بالعقل عـن الحيــوانِ

اعترف بغلطك،ما يخاف من الـمواجهـة الا الجـبـانِ

الله للطيب واللطف وحسن الخلق أكرمني وعـطاني

كل من أذانـي وطـعـني بـقسـوته هو أكبر خسراني

لـعـوض الله الـكـبيـر أعـد الدقايق والأيام والثـواني

للسعـادة والرضا والـجبـر والخير والبركة عسانـي

الله يرجّع لي الحياة بعد ما جفَّـت تربتي وأغصاني

ويـنـبـت لي الـورد ويـسقـينـي مطر بأجمل بستاني

والله يـحقـق لي كـل الأهـداف وكـل خير والأماني

ويرضـيني ويرزقـني شوفـة أحبابي بأعلى الـجنانِ

طالبك ياربي أكرمني بفضلك ورحمتك ولاتنساني

حـقق لي مرادي واجعل العزيمة واللطف عنواني

…………………………….

اللوحة للفنانة المصرية/ منى رأفت