( علمني الوقت ) – الشاعر/ رائد نايف – السعودية

لا يلحقك شكّ في منزالك .. العالي
للحين اشوفك صديق العمر واعتبرك

الاول اللي على الشدّة .. يجي بالي
من هقوتي فيك ، ياكثرك ، وياكبرك

كم واحدً ينكسر ، ويجيك طوالي
وتعطيه من طيبك ، وتعطيه من جبرك

شرهتك جتني وانا ، موجوع ولحالي
صبرك على من يقدّر شرهتك ، صبرك

صحيح انا غبت .. لكن ماني بـ سالي
ترا لي ظروف .. تبعد سبري وسبرك

لو اني اعشق خلّو النفس من تالي
الساعة اللي تجيبك ، اطيب وابرك

ماعاد صدري من هموم العنا خالي
ْصدوف الايام .. تمتحنك ، وتخْتبرك

من كثر مازادت الاوهام .. غربالي
اشعر بإن الحقيقة فلمً مفبرك

تمايلت همّتي من طعنة امالي
ماكنها الا تبي بعد الصبر ، تبرك

علمني الوقت ، طعم المرّ والحالي
وتغيّرت ضحكتي ، ماني على خبرك

الناس ماتدرك إنك .. طيّب وغالي
الا لا هلّت عليك الطين ، في قبرك

………………………………