( عطرِك نِدي ) – الشاعر/ إبراهيم زيدان .. لبنان

 الحلوين مَرْقوا،،الورد ماتطلَّع

معوَّد  عَليكِ ،،،بس   يتدلَّع

وكلما مْشيتي حَد منّو شوَي

عْلى وشوشة دعساتِك تسمَّع

وكلما مْشيتي حَد مِنّو شوَي

عطرِك نِدي،،رشي عليه خْطَي

الورد  زهَّر،،، قال هلّاء  خَيّ

لولا    نَداكِ   الورد ،،،،،ما تلمَّع

الحلوة بيقولوا عنها متل القمر

لِكِن قمرنا بيشبهِك قالوا البشر

وعا قد ما لافِت جمالِك للنظر

مابينشبَع من شوفتِك مابينشبَع

ياحلوتي قلبي بملقاكِ اٰحتفى

هديتِك قلب عربون مني للوفا

ماعاد يعرفني الي فيكِ اكتفى

أنتِ وطن ،،،،،،صرتي إلو مَرجَع

………………………

اللوحة للفنان/ حمدي عبد المنعم .. مصر