تمرين في بالي قبل لا تشوف العين
خيوط الفجر والناس للصبح تواقه
ويمر الحنين اللي نسوه أغلب الجافين
مثل مايمر المال بيدين !! بواقه
تخطّفني الذكرى ولا أدري تجيني منين؟
سجين المشاعر ينتظر لحظة أعتاقه
عيونك سجن واللي يطالع بها مسكين
مساجين خلق الله تحت رأفت أمواقه
لو انك لمحتي قدركم في عيوني زين
عرفتي وشفتي كيف ينظرك بأحداقه
أحبك أحبك والمحبة عليه دين
يموت الرجل ماخان عهده وميثاقه
أحب الدروب اللي بها مجتمع شخصين
وكرهت الدروب اللي بها دموع حراقه
سحاب اللقاء شحت عن المجدبين سنين
وانا والسنين اليوم كلٍ على ساقه
تجاذبني الذكرى ويسجع حمام البيًن
تقول إني اللي عايشن وسط خفاقه
حنانيك فيني دام باقي معي ضلعين
قبل لا يفوت الفوت ويموت بأوراقه
……………………………….
اللوحة للفنان الهولاندي/فان جوخ
Arabic 
English