على طاري الفرقا وتلويحة المشتاق
وخرافاتكم ي اهل القصايد والآغااني
يقولون شهْر اكتوبر يجمع العشاق
وتعدا الشهر ماجيت خلي ولا جاني
بعد حظي العاثر تركني على الاطلاق
تفرّغت للوعات وامقابَل احزاني
خليلي ، شف احلامي تلاشت وصدري ضاق
بغيت اتخطّى مُر فقدك ولا امداني
اذا غبت عن طاريك ساعه وجوي راق
طيوفك تجي طرقيه ولا تعداني
جروح الهوى ياصخيّف العود ما تنطاق
من بيعطي المجني حقوقه من الجاني
مدامك ملكت بيدك السم والترياق
اذا م اغلبتك العاطفة صير عقلاني
انا كنت لك رعْد وسحابه وانا البراق
قطعت الضما عنك من اصدوق وجداني
ويومن فنجال المفارق على انساق
شربته ، وكم شربو الفناجيل جداني
شجيع المحبه دمعته من ورى الاحداق
حبسها وميسمها على قلبه الحاني
ياليتك بعد ما غاب نورك عن الاشراق
توقّف على الاطلال وتشوف وش جاني
معاد انتظر منك تعود بحضن واعناق
تعال انتشل وردٍ ذبل فوق جثماني
رضيت ب قضى الاقدار وان الحياه ارزاق
وتركت الحسايف من بعد فقد الاماني
ولزَمت الصبِر مادامت الأرض والآفاق
بتفنى بيوم ومن مشى فوقها فاني
من يكابد الدنيا تزيده عنا وارهاق
وانا اخذت منها اللي خذيته وكفاني
كلام المجامل يوم شانت بي الاخلاق
تركته وصار اللي بقلبي على لساني
وحتى الشِّعِر ماني مراعي به الاذواق
ولو يشره القاصي من الناس والداني
جديدي ترى كله حنين وحزن وافراق
ولا يخدم الاّ من مثل وضعي يعاني
وترى الدفتر الاول قضت منه الاوراق
وذي الصفحه الأولى من الدفتر الثاني
………………………….
Arabic 
English