انا مريت حارتنا القديمه …
أدوّر شي له ف القلب قيمه
أدوّر جزء غالي من حياتي ،،
فقدته و صارت أيامي يتيمه …
لقيت بْيوت بس ماشفت فيها ..
محبٍّ كان له قدر وحشيمه ..
ولا شفت الاحبه والقرايب ،،
وقلوبٍ بيننا كانت رحيمه ..
أداري من عيوني دمع غالي ..
و تعصر قلبي الذكرى الاليمه ..
سكيك الامس كم ضمّت خطانا ..
ليالي تجمع نفوس ٍ كريمه
رسمت بهالزوايا الحلم الاول
على الجدران لازالت مقيمه
ولا زالت بقايا ذكرياتي
معَ من كان يزقرني بـِ ريمه
و مآذن مسجده تبكي حزينه
تدوّر نور ليلتها العتيمه
و تراتيلٍ وسط قلبي صداها
و نصايح منْه كم كانت حكيمه
عصاه ومصحفه و مسباح بيده
ورثناها و قيمتها عظيمه
سقى الله الدار واللي كان فيها
عليهم من رضى الرحمن ديمه
بكى قلبي على أصحاب وحبايب
إذا مريت بالحارة القديمة
…………………………………
Arabic 
English