(يا هقوتي) – الشاعرة/ ماجدة الجراح .. الإمارات

ياهقوتي بالحل طيحي مره ابد مسموحه
مربوط ع فوادي حجر ما عاده يدور كلا

ماني بغاصب خافقه لو ما لفى من روحه
وماني بطلابة وصال ولا ني طلابة غلا

اقرا صدودٍ ما كتبه إلا عناد جموحه
كيف الكريم الأجودي ضلعينه بالود بخلا

ودام الله انطق للرضيع لسان جزلٍ بوحه
الخافي ما بين السطور اقراه ما حنا جهلا

حولي قمم لكنها ف عيني شراة سفوحه
وش حيلتي سلط علي اشواق جهادة بلا

والشعر ضدي لا تمادى في غلا ممدوحه
المرزمات من الطروق إن أدبرت قالت هلا

النائمون استيقضوا والعمر بآخر فوحه
بالعمله الاصليه القديمه خافي الجيب امتلا

جينا المدينه نشري الرزق وطلبنا وضوحه
أزكى الطعام تلطفوا يا اما لا حول ولا

ي اما على عرشه اتربع واعتليها صروحه
ي اما تعاكس خطوتي مرباع غزلان الفلا

ودام إن عاقر أنجبت والله كتب في لوحه
الروح تلهج لا عدمته ولا فقدته ولا خلا

……………………………..

اللوحة للفنانة الإماراتية/ حنان الزين