(يا صاحبي) – الشاعر/ محمد الصلاحي .. اليمن

ياصاحبي دنياك مادامت بحال
ولايدوم الا المروه والجميل

العمرفاني والبشر خيرة مثال
كم مات من رجال ماشي له مثيل

صبرك على ماجاك من سود الليال
لاتشتكي للناس لوحملك ثقيل

الصبر عزه والكرامه راس مال
والطيب رفعه والوفاء طبع الاصيل

والصاعقه ماتضرب الا بالجبال
الي قممها تلمس البرق المخيل

ولاتشل النايبات الا الرجال
لا وقفت بالحزم ماشي مستحيل

اصحب في الدنيا كريمين الخصال
الي يعزو ساعة الضيق الدخيل

واحيا مع الاخلاق مهما العمر طال
ترى الخُلق من طابع الشخص النبيل

لان من تواضع عاش في عز وجلال
ومن تكبر مات بالدنيا ذليل

والمعرفه سيف السنافي والنصال
وحدها في كفك الحد الصقيل

تقطع بها من مال شوره واستمال
والواقع الي عشت فيه اكبر دليل

واحيا مع العالم بمبدا واعتدال
بالحق دايم لاتحيل ولاتميل

ترى ابن ادم قيمته صدق المقال
ترفعه ولا توضعه قولة وقيل

لان الطمع قتال والدنيا ضلال
والله كريم الكف وابن ادم بخيل

والصبر حكمه والفتى قاصر مجال
والقل نعمه والقناعه بالقليل

بقعا ومايبنى عليها لازوال
ماباقي الا الواحد الفرد الجليل

كم لي وانا يطري على بالي سؤال
ليه الزمن مايضحك الا للرذيل

عمر الزمن مازان لاولاد الحلال
ماواحد الا من عناء الدنيا قتيل

وان زان ماتلقى الرجال الا قلال
والباقي اقبح وجه من ذاك الفصيل

اليوم ذي تتزعم الشايب جهال
وانذال ذي تركب على اخر موديل

سبحان ذي حول علاوه لاسفال
والكون واحد ماتبدل به بديل

ماهمنا مهما علينا الوقت مال
احناتوكلنا على خير الوكيل

مضى العمر واحنا على الدنيا قتال
والحال ذاته والزمن عابر سبيل

العمر فاني والخلايق في جدال
والوافي اكثر شخص في الدنيا عليل

والناس تذكر بالمواقف والفعال
والمعرفه ياصاحب العمر الطويل

لوهي على الانساب ما اذن بلال
على مقام من اتخذ ربي خليل

هذا ولاباقي على الغر احتمال
حناشربنا مر بقعا سلسبيل

………………….