(شواشي الشجر) – الشاعر/ سامي كامل الرفاعي .. مصر

من فوق شواشي الشجر طـلعت لي جنيَّه
حــــلـــوه زي القمــــــر وكـلامـها حــنيَّه
قلـت لـها طـــال السـهر وما فـيش مـعدِّيَّه
قالــت فيه إيـه يا جـدع بطَّـــل مِـــلاغـيَّه
الرَّق مــش على العمل الــرَّق على الـنيَّه
***
العوم في بحــر البشر محتـــــــاج مراكبيَّـه
حتـى شواشي الشجر مـحتــاجـــه مـلاغيَّـه
والعِشْرَه بيــن الأهـل تحتـاج ســمــاح نـيَّه
والغــدر شيـمة الندل في الـروحه والـجايه
***
سألـت كـــــل البـــشر حـتى الكفّ في أيديَّه
ليـــــــه تــاه القـمـر في قصـــيده وهمــيَّه
الصــــدر فيه الخـبن والعجز فيه حيــــَّــــه
والقافـيه لـو تــندبح فـي الشرع ليــها ديَّه
***
قالوا طب لمَّا غـدرت فكـرت تـدفع الديّه
وليه تروح للشواشي وتلاغـــــــي جنّــيَّه
قــــلت انـــا فـــــلّاح لكن مــلَّاح مـلاغيَّه
فلّاح لــــــكن صيــاد وصـيد الغزال غيَّه
ومش بأيـدي يا ناس يســـكن غــزال فِيَّه
***
قالوا بـــس الزمـان دوار بميـــــــت وش
والأمــان في الأيـام ما يعيش بـدون عش
وطلة فـجر الصباح لا بتــخاف ولا بتكش
***
العمليه أصلاً حسابيه بحاجه لإجابه فوريَّه
مــين يا خــد الـطار؟ ومــين يــدفع الديّه؟

***
عشـان تعيش مرتاح لازم تــكــون لمـــَّاح
مع الفلاح والأفندية
وحـيْ علـى الفــلاح حـيْ علــى الـفــــلاح
عـيـش لحظه شجاع ومـوت صــادق النيَّه
وبلاش تعيش جبان لو خـدت مــيت نشان
وعشت م الســنين مِيَّه
من فوق شواشي الشجر طلعت لي جنيِّه
……………………..

اللوحة للفنان البريطاني/ جـون كونستـابـل