(رمضان كريم) – الشاعر/ سعيد شحاته .. مصر

رمضان كريم يا اهل الله يا زين
…….. متزوّقه الدنيا يا صايمين
بهلال وضحكة روح وأدان
وقلوب جميله وصوت قرآن
…. الوَحْش فينا رجع إنسان
……… والفرحه ماليه حبابي العين

رمضان جميل والله الهادي
… في الدلتا بيغني الوادي
…… والحلم زادي وزوادي
…………… ساعيين لها وربّك بيعين

رمضان مبارك يا زميلي
قايد شموعي وقناديلي
.. طعم العسل مية نيلي
……… مصري التاريخ وحضاره ودين

رمضان وداخل بالبركات
الزرع نبّت ع القنايات
والنور مزهزه في البنايات
…………… والطبله بتصحي النايمين

رمضان وصل صحصح يا ابو زيد
سيف العرب طافي وهيقيد
حَط الزناتي وشال عناقيد
…………….. مين ينتصر وهيهزم مين؟

رمضان بيضحك يا فريده
… يا قريّبه وبرضه بعيده
لابسه الحياه بدله جديده
…………. والدنيا واخده طريقها يمين

رمضان أَذَن طُفت وسميت
وقريت كلامك واتوضيت
مشتاق يا عترة آل البيت
………. بوس لي النبي وسلّم يا حُسين

………………………..