(انت اللى قلت) – الشاعرة/ نفين الطويل .. مصر

انت اللى قلت

ان الزعل حجه غياب

وإن اللى طالب قرب ديما يلقي باب

وإن إلى يعشق مش هايجي يقول صحاب

وإن اللى حبك

بكره قلبه يجيبه عندك

مهما غاب

وانا شكلى حنيتلك وملت

وانت اللى قلت

ان الحبيب يسند حبيبه ف شدته

وإن العيون بتجيب عاشقها إن شدته

وإن الوجع بالحب راح وده رغم قسوة شدته

وانا ياما جوه

ف قلبي شلت

وانا شكلى حنيتلك وملت

وانت اللى قلت

ان الكلام فالعشق سهل

وإن الحبيب لحبيبته اهل

وإن اللى ضيع لحظة واحده ف بعده عنك

عنده جهل

وساعتها صدقتك حاولت

منا ياما جوه ف قلبي شلت

و طبيعى حنتلك وملت

بس انت زيك زيهم

لأ ده انت اوجع منهم

سرسبت وجعك بالكلام حد اما طلت

تفصيله بس صغيره

وانا اللى قلت

انا قلبي حرم يتوجع

وخلاص عقلت.

……………………..