(مصدق نفسك) – الشاعرة/ هايدي دياب .. مصر

هو انت كده مصدق نفسك

علطول وعايشلي في الأوهام

إتكلم ……. هو حد مسكك

مـ انت مقضيها كلام في كلام

ولا فاهم حاجه و لا عارف

ازاي بتراعي مشاعر حد

طب حس لما مش شايف

ولا إتكلملي شويه بجد !!!

عمال تتكلم ع القسوه

وانت بتقتل في قلوب الناس

ده وجودك بقى عامل أزمه

خلي بقى عندك من الإحساس

وبلاش تلعبلي دور المظلوم

مهزوم مش لاقي في حد أمان

مشكلتك مش انك مهموم

مشكلتك انك مش إنسان

فبلاش تلعبها بقى معايه

أنا حافظه وفاهمه كل حاجه

كفياك بقى كدب وكفايه

وخلاص ليك انا مش محتاجه .

……………………….